مرض اليأس

الأسباب.... ضعف الثقة بالنفس....ضعف اليقين بالله....قوة الشيطان أمام هوان الأنسان ....
كلام كبير صح؟؟؟؟ طيب خليك للآخر لحد ما نفسر....
الأعراض.... التخلي عن الأحلام..... التخلي عن الأهداف..... هبوط الهمة للتغيير... أي تغيير..... الإكتفاء بالواقع.... الإكتفاء بالحاضر.... قصر الأمل و النظر للمستقبل..... عدم الإهتمام بالمستقبل.... عدم الإهتمام بتنمية ذاتي و حياتي.....
ومن الممكن أن يكون هناك الأكثر... أو أعراض أكثر... وأرجو أنه من يرى أن هناك أعراض أكثر من ذلك أن يرسلها و يشرك فيها الناس....
ولكن...
مشكلتنا أننا حين نقع بأحدى مظاهر اليأس.... فأننا نبحث عن الحلول للأعراض..... وهو الخظأ الكبير الذي نقع فيه... فحتى أن حلت المشكلة... ظللنا تباعا لليأس باحثين عنه و باحث هو عنا في كل موقف ومكان....
طب ايه الحل....
الحل في حل الأسباب ..لا الأعراض..... وهنا ييجي الشرح....
1- ضعف الثقة بالنفس....
أنا ماليش في التعليم.... أنا ماليش في الخير.... أنا مليش في الشغل.... أنا ماليش في الكمبيوتر... أنا ماليش في البطاطا........
طيب سؤال... ليك في أيه... وربنا خلقك ليه..؟؟؟ وحيحاسبك ليه لو مالكش في حاجة؟؟؟ قو خلقنا يلعب بينا معاذ الله؟؟؟
2- ضعف اليقين بالله.....
واجهتني مشكلة.... كبيرة أوي... مصيبة... كارثة.... وقفت قدامها.... لأ.. أنا مش قدها.... دي أكبر مني.... دي فلان وعلان معرفوش يحلوها.... أنا حعرف..... ( ضعف ثقة بالنفس أولا... ) وضعف أيمان بربنا ثانيا....
أنت أصدق ولا ربنا..؟؟؟؟ طب ربنا قال ( لا يكلف الله نفسا إلا وسعها ) .... أيه رأيك.... لسه شايف أن فيه حاجة أكبر منك ...؟؟؟ لسه متأكد أن متقدرش عليها.... لسة مصدق أنها أكبر منك؟؟؟؟

3-قوة الشيطان أمام هوان الإنسان....
ربنا بيقول إن كيد الشيطان كان ضعيفا.....
طب أيه اللي أنت بتقوله ده؟؟؟ أمال هو قوي ايه.... ماهو أكيد الضعيف قوي على الأضعف.... السائس ضعف في نظره... ضعف وهانت عليه نفسه... هانت عليه أحلامة... أهدافه... فهانت عليه نفسه... وهان أمره على الشيطان....
يقوله الأمر كبير عليك... يصدق.... يقوله أنت أصغر من أنك تحل المشكلة.... يصدق.... يقوله أنت مستعجل ليه تقرب من ربنا... لسه بدري... عيش حياتك شوية... يصدق..... يقوله يا عم قديها كافيهات وفرفشة نعنعشة طول حياتك... خلي التعب قدام... يصدق.... يقوله خليك واعي وصاحي.... وأوعي تتعب نفسك ... دانتا لسه صغير... حتشيل الهم بدري.....؟؟؟ يصدق..... في أكتر من كده كتير.... بس الكلام مش حيفيد....
يا ترى مين فينا عايز يبقى كده؟؟؟
خلي عندك ثقة بربنا....بعقيدتك.... بقوتك.... بنفسك.... ربنا خلق العظماء من طين... وخلقك من زلط؟؟؟؟ طب العظماء بقوا عظماء منين..؟؟؟؟
حطوا هدف....
عرفوا قدرتهم صح... عرفوا طاقتهم صح.... طلعوا طاقتهم صح...
عاشوا لهدف.... حلموا يعملوا تغيير....
قالوا لازم يبقى لينا دور...
لازم يبقى لحياتنا معنى.... لازم يبقى لعيشتنا لون ومغزى...
أنا عايش ليه؟؟؟ لنفسي؟؟؟ يبقى ماستهلش أعيش....
لبلدي... عملت أيه ليها.... لديني؟؟ عملت ليه أيه؟؟
قالوا لازم نغير كل ده... لازم نعيش حياتنا صح.... نعيش الحياة الصح.... نحلم صح... نشتغل صح....
نصبر كتير.... حنوصل في الآخر....
وثقوا في نفسهم... في وعد ربهم....شالوا في عقولهم أهدافهم.... شالوا في قلبهم حلمهم..... لا يأسوا... ولا تعبوا...
ولا قالوا تعبنا عمرهم
منقوول